پشتگیریی کەمپینێکی کچان و ژنانی کوردستان
کۆمەڵێک لە کچان و ژنانی کوردستان بە دەستپێشخەریی خاتو لەنجە خاوێ ، کەمپینێکیان بۆ بەرپەرچی نەرێت و بەهایەکی دواکەوتووانەی کۆمەڵگەی باوکسالاریی و پیاوسالاریی بەڕێخستووە . ئەمە هەنگاوێکی بوێرانەو بەزاندنی سنوورێکی سەپێندراوی رەوتە کۆنەپارێزەکانە . ئەمە بەرەوڕووبونەوەی ئەو گەمارۆ کۆمەڵایەتی و کەلتوورییەی نوێنەرانی توێژێکی دواکەوتووی کۆمەڵگایە ، کە بەسەر کچان و ژناندا سەپاندوویانەو ، وەک پێشێلکردنی مافی بوونی سەربەخۆو مرۆڤانەیان پەیڕەویدەکەن . ئەمە رەفتارێکە لە دواکەوتووترین ئایدیای چینە چەوسێنەرەکانی کوردەوارییەوە سەرچاوە دەگرێت . من پشتگیریی تەواوی ئەم کەمپینە دەکەم ، بانگهێشتی کچان وژنانی هاوڕێ و دۆست و ناسیاوو کەسوکارم دەکەم ، هاوپشتیان بن و ، هەریەکەیان بە بڵاوکردنەوەی وێنەیەکی خۆیان و دەقی راگەیاندنەکە ، بەشداریی سەرکەوتنی کەمپینەکە بکەن . ( فوئاد قەرەداغی ) ١١ ی مارتی ٢٠١٧
راگەیاندنەکەی خاتو لەنجە خاوێ
” ئێمەی كچان و ژنانی كوردستان ئيتر ناترسین. چیتر لە خەمی بردن و بڵاوبوونەوەی وێنەكانمان نین. ئێمە بڕوای تەواوەتیمان بە خۆمان ھەیە. ناترسین لەو ھەڕەشانەی كە لەڕێگای تۆڕەكۆمەڵایەتییەكانەوە پێمان دەگات. چیتر ئێمە لەترسی بردن و بڵاوبوونەوەی وێنەكانمان خۆمان ناشارینەوە.
تۆی كچ و ژن گەر لەگەڵ ئەم پەیامەی مندایت. ئەوا وێنەیەكی خۆت بە پەبلیك لە فەیسبووكی خۆت لە واڵەكەتدا دابنێ و ئەم نوسراو ھاشتاگەی لەگەڵ دابنێ “.
سوپاس بۆ پشتگیریكردنی بیرۆكەكەم.
لەنجە خاوێ
nanwazadi 
لێدوانێک بنووسە