چەند کۆمێنتی فرە بابەت

چەند کۆمێنتی فرە بابەت
فوئاد قەرەداغی
2019 مارس
پیرۆزبایی بەهارو نەورۆز و سەرکەوتنی رۆژئاوا
نەورۆزو بەهارو ساڵی نوێی کوردی وسەرکەوتنی جەنگاوەرانی رۆژئاوا ‌بەسەر داعشی تاریکیخواز ، لە هاوڕێیانم و ئازادیخوازانی کورد پیرۆزبێت .

بایکۆتی خواردنی سێو مەکە دژی شۆڤێنیزم و چەکی کیمیاوی خەبات بکە
هاوڕێم .. لە جیاتی بایکۆتی سێو خواردن ، دژی شۆڤێنیزمی عەرەبی و دەوڵەت و کۆمپانیا سەرمایەدارییەکانی فرۆشتنی چەکی کیمیاوی خەبات بکە .

پارتی بەسەر ئۆپۆزسیۆندا سەرکەوت
سەرکەوتنێکی گەورەی پارتی لەم خولە نوێیەی فەرمانڕەواییدا ، پووچەڵکردنەوەی داستانی ئۆپۆزسیۆنی دەسەڵات بوو.

ئەو کۆمێنتانەی دەیانسڕمەوە !
هاوڕێیانی‌هێژا : تکایە کە کۆمێنت لەسەر بابەتەکانم دەنووسن هێرشی شەخسی و تایبەتی بۆسەر هیچ کەسێک مەکەن تا بە ناچاریی نەیسڕمەوە .

پاساوی باو بۆ فرەژنیی

پاساوی باو بۆ فرەژنیی
فوئاد قەرەداغی
2019 مارس
ناوەرۆکی چەند کۆمێنتێک
ناوەرۆکی ئەو چەند کۆمێنتەی لێرەدا پەخشی دەکەم لە زاری چالاکوانی رێکخراوێکی ژنانەوە وەرمگرتووە کە شەوی ۸ ی مارسی ۲۰۱۹ لەگەڵ چەند چالاکوانێکیدیدا دەربارەی پرسی ژنان لە کەناڵێکەوە دیمانەیان لەگەڵداکرا .

پاساوێکی فرەژنی
پاساوی فرەژنی : کچی قەیرە لەزیادبوونایە بۆیە چارەی ئەو بارە کۆمەڵایەتییە فرەژنیی پیاوانە !!

پاساوی شووکردن سەربەهەوێ
پاساوی چالاکوانێک بۆ فرەژنی : ژن هەوێی بەسەربێت باشترە لەوەی هاوسەرەکەی ناپاکیی لەگەڵدا بکات !!

چارەسەر بۆ ئەو ژنانەی هاوسەرەکانیان نەماون
چالاکوانێک چارەسەری بۆ ئەو ژنانەی هاوسەرەکانیان نەماون ، شووکردنیان سەر بە هەوێ بوو !!

شووکردن بە پیاوێکی خێزاندار باشترە لە مانەوە
چالاکوانێکی پرسی ژنان : ئەو ژنانەی هاوسەرەکانیان نەماون و منداڵیان هەیە شوو بکەنەوە بە پیاوێکی خێزاندار باشترە لەوەی بمێننەوە !!

فرەژنی بۆ پیاوان مەرجدارە
ئیسلام چوار ژنی بۆ پیاو ، بەمەرجی عەدالەت لەنێوانیاندا ، سەلماندووە ، بەڵام پیاوانی موسڵمان بێ ئەو مەرجە ، فرەژنیی پەیڕەودەکەن .

سیستمی ژنسالاریی
لە مێژووی بەشەرییەتدا بەر لە کۆمەڵگەی چینایەتی کۆمەڵگەی دایکایەتی هەبووە . کە چینەکان دروست بوون دابەشکردنی کار پیاوسالاریی هێنایە کایەوە ، تا ئێستاش بەردەوامە و سیستمێک نییە ناوی سیستمی ژنسالاریی بێت . بەڵام ئەگەر قسە لەسەر ستەم بێت ئەوا جیاوازی نییە هەر کەسێک بیکات هەر ستەمە ، بەڵام لە ئەمرۆدا ستەمی ژن لە پیاو بەشێک نییە لە سیستمێک بە پێچەوانەی ستەمی پیاو کە سیستمی پیاوسالاریی لەپشتە .

رۆژی دامەزراندن و رۆژی شەهیدی شیوعی

رۆژی دامەزراندن و رۆژی شەهیدی شیوعی
فوئاد قەرەداغی
2019 مارس
ڕۆژی شەهیدی شیوعی
لەڕۆژی شەهیدی شیوعیدا ١٤ – ٢ – ١٩٤٩، رۆژی گیانبەختکردنی فەهدو هاوڕێکانی ، بۆ رێزلێنان لە هاوڕێ شیوعییەکانم ، دروودو نەمری بۆ هەموو ئەوانەی لە پێناوی ئازادی و یەکسانی و خۆشگوزەرانیدا دژی ستەمکاران تێکۆشان و گیانی خۆیان بەختکرد .
فوئاد قەرەداغی ١٤ – ٢ – ٢٠١٩

رۆژی دامەزراندنی حزبی شیوعی عێراق
ئەمڕۆ 31‌ – 3 رۆژی دامەزراندنی حزبی شیوعی عێراقە ، پیرۆزباییم بۆ تێکۆشەرانی رێبازی فەهدو سەلام عادل و خالید ئەحمەد زەکی .

کۆمێنتی هاوڕێیەک و وەڵامەکەی
Aram Tayb
ئە ی مامۆستا چۆنە سڵاو بۆ مامۆستا بە هادین نوری نانێریت ، بە ڕێزیان دوای فە هدو سە لام عادل ڕۆلێکی گە ورە و گرنگی مێژوی بینی لە و قۆناغە گرنگە ی کە حیزبی شیوعی عێراقی توشی پە رت بوون و پچڕاندن بوو دوای هاوڕێ فە هد .
Fuad Qeredaxi
هاوڕێی بەڕێزم وەڵامی ئەو پرسیارە بە کۆمێنتێک نادرێتەوە بەڵام زۆر بە کورتی :
١ ) من پیرۆزباییم بۆ تێکۆشەرانی رێبازی فەهدو سەلام عادل و خالید ئەحمەد زەکی ناردووە بۆیە هەر شیوعییەک دەگرێتەوە کە پەیڕەوی رێبازی ئەوان بکات .
٢ ) هەر یەکێک لەو سێ گیانبەختکردووە ئەستێرەی قۆناغێک بووە لە مێژووی بزووتنەوەی شیوعییەتدا : فەهد لەسەردەمی خەباتدا دژی سیستمی پاشایەتی ، سەلام عادل لەهەڵوێستی قارەمانانەی دژی بەعس و کودەتا خوێناوییەکەی ٨ ی شوباتی ١٩٦٣ ، خالید ئەحمەد زەکی وەک سەرکردەیەکی گیانبەختکردوو لە راپەڕینی چەکدارانەی ئەهوار دژی دەسەڵاتی کۆنەپەرستی عێراق .
٣ ) مامۆستا بەهادین نوری لەدوای راپەڕینی ١٩٩١ وازی لە حزبی شیوعی هێنا و ” بزووتنەوەی دیموکراتیخوازان ” ی پێکهێنا ئەو کاتە من لە نزیکەوە پەیوەندیم لەگەڵیدا هەبوو تەنانەت بڕوای بە خەباتی شیوعیانە نەمابوو .
٤ ) کەس ناتوانێت رۆڵی مامۆستا بەهادین ئینکار بکات لەنووسینەوەی مێژووی عێراق و حزبی شیوعیدا شوێنی شیاوی خۆی هەیە .

رۆژی جلوبەرگی کوردی

رۆژی جلوبەرگی کوردی
فوئاد قەرەداغی
2019 مارس

رۆژێکی تایبەتی بۆ جلوبەرگی کوردی
مەبەستی رۆژی جلوبەرگی کوردی چییە ؟ کەلتووری وەهامان هەیە؟ چ نەتەوەیەک و لەچ شوێنێکی جیهاندا رۆژی تایبەتی بۆ جلوبەرگ هەیە؟

جلوبەرگی کوردی و ئینتیما بۆ کورد
کەسانێک هەن برنج و ڕۆن و مریشکی کوردی ئینتیمایانە نەک پرسی کورد ، وا خەریکن جلوبەرگی کوردیشی دەخەنەسەر ، ئەوە چ ئینتیمایەکە !

تراژیدیی خنکانی هاووڵاتیانی موصل لە روباری دیجلەدا

تراژیدیی خنکانی هاووڵاتیانی موصل لە روباری دیجلەدا
فوئاد قەرەداغی
2019 مارس

رووداوە دڵتەزێنەکەی موصل وکەمتەرخەمی بەرپرسان
رووداوە دڵتەزێنەکەی موصل لەناخەوە ویژدانی هەموو مرۆڤدۆستانی هەژاند ، نەفرەت لەوانەی راستەوخۆو ناڕاستەوخۆ کەمتەرخەمبوون و لێی بەرپرسن .

داعشیزمی کوردی شاگەشکەبوون
بەخنکانی زێتر لە سەد هاوڵاتی موصل لە دیجلەدا کە زۆربەیان ژن و منداڵن ، راسیزم و فاشیزم و داعشیزمی کوردی شاگەشکە بوون !!!

هەڵوەشاندنەوەی پاشەکەوتی مووچە

هەڵوەشاندنەوەی پاشەکەوتی مووچە
فوئاد قەرەداغی
2019 مارس
پاشەکەوتکردنی مووچە هەڵوەشایەوە
بەپێی یەکەم بڕگەی بەیاننامەی حکومەت لەمەودوا مانگانە مووچە بەبێ پاشەکەوت دەدرێت بەڵام چارەنووسی پارە پاشەکەوتکراوەکان دیار نییە .

کامە حکومەت پارە پاشەکەوتکراوەکان دەداتەوە ؟
دووەم بڕگەی بەیاننامەکەی حکومەت ناچێتە ژێر باری دانەوەی پارە پاشەکەوتکراوەکان پێدەچێت خورابێت و بەنیازبن حکومەتی بەغدا بیداتەوە !